ས་སྐྱ་ལེགས་བཤད།

发布时间:2018-05-18 11:14:46

འཚོ་བྱེད་ཟས་སུ་སྒྲོ་བཏགས་ནས།

སྨན་གྱིས་ནད་ཆེན་གསོ་བ་ལྟར།

འཇིག་རྟེན་ལུགས་ཀྱི་རྗེས་འབྲངས་ནས།

བདག་གིས་དམ་པའི་ཆོས་འདི་བསྟན།

ཐོས་པ་རྒྱ་མཚོའི་གླིང་ལས་ལེགས་འཁྲུངས་ཤིང༌།

བློ་གྲོས་ཀླུ་ཡི་དབང་པོས་ལེགས་བཟུང་བའི།

དཔལ་ལྡན་ལེགས་པར་བཤད་པའི་རིན་ཆེན་གཏེར།

བློ་གསལ་བློ་ཡི་བང་མཛོད་དགང་བ་དང༌།

མཁས་པ་རྣམས་ཀྱི་འདོད་དགུ་བསྒྲུབ་པའི་ཕྱིར།

ཤཱཀྱའི་དགེ་སློང་ཀུན་དགའ་རྒྱལ་མཚན་དཔལ།

བཟང་པོས་དགེ་བའི་ཡིད་ཀྱིས་ལེགས་བརྟགས་ནས།

ཕྱོགས་རྣམས་གསལ་བར་བྱ་ཕྱིར་འདི་ཕྱེའོ།

དེ་ལས་བྱུང་བའི་དགེ་བ་དྲི་མ་མེད།

བསིལ་ཟེར་བྱེད་པའི་འོད་ལྟར་རབ་གསལ་བས།

སྐྱེ་བོའི་སྙིང་གི་མུན་པ་ཕྱིར་བསལ་ཏེ།

བློ་གསལ་བློ་ཡི་ཀུ་མུད་རྒྱས་གྱུར་ཅིག

ཤེས་བྱ་ཀུན་ལ་རབ་སྦྱངས་པས།

ཐམས་ཅད་མཁྱེན་པ་ཐོབ་པའི་ཕྱིར།

དེས་ན་བདག་གི་བསྟན་བཅོས་འདི།

རྫོགས་པའི་སངས་རྒྱས་ཐོབ་ཕྱིར་བྱས།

   ལེགས་པར་བཤད་པ་རིན་པོ་ཆེའི་གཏེར་ཞེས་བྱ་བའི་བསྟན་བཅོས་ཡུལ་བྱང་ཕྱོགས་ཀྱི་རྒྱུད་ཁ་བ་ཅན་གྱི་ལྗོངས།བྱང་ཆུབ་སྙིང་པོ་རྡོ་རྗེའི་གདན་ལས་དཔག་ཚད་བརྒྱ་བགྲོད་པའི་གནས།གཙང་ལ་སྟོད་གྲོམ་པ་དཔལ་ས་སྐྱའི་གཙུག་ལག་ཁང་ན་གནས་པ།འཇམ་པའི་དབྱངས་ཀྱི་ཐུགས་ཀྱི་འོད་ཟེར་གྱི་བློའི་པདྨའི་ཟེའུ་འབྲུ་ཅུང་ཟད་ཁ་བྱེ་བས།སྒྲ་དང༌། ཚད་མ་དང༌། སྙན་ངག་དང༌། སྡེབ་སྦྱོར་དང༌། ཚིག་གི་རྒྱན་དང༌།

  བདེ་བར་གཤེགས་པའི་གསུང་རབ་ཀྱི་དོན་ཡོངས་སུགྲགས་པ་ཕལ་མོ་ཆེ་ཐོས་ཤིང་རྟོགས་ནས་ཁོང་དུ་ཆུད་ཅིང་འདྲིས་པར་བྱས་པས།ལུང་དང༌། རིགས་པ་དང༌། མན་ངག་གི་གནད་ཕྱིན་ཅི་མ་ལོག་པར་བློ་གྲོས་ཀྱི་སྣང་བ་ཐོབ་པ།འཆད་པ་དང༌། རྩོམ་པ་དང༌། རྩོད་པ་ལ་སོགས་པའི་ཆུལ་ལ་སྤོབས་པ་དགེ་བ་ཅན།ཤཱཀྱའི་དགེ་སློང་རིགས་པར་སྨྲ་བ་ཀུན་དགའ་རྒྱལ་མཚན་དཔལ་བཟང་པོ་ཞེས་བྱ་བས།དཔལ་ས་སྐྱའི་དགོན་པར་ལེགས་པར་སྤྱད་པ་རེ་ཞིག་རྫོགས་སོ། མངྒ་ལམ།


上一篇:ལེགས་པར་བཤད་པ་རིན་པོ་ཆེའི་གཏེར་ལས་ཆོས་བརྟག་པ་ཞེས་བྱ་བ་རབ་ཏུ་བྱེད་པ་དགུ་བ།

下一篇:མི་རིགས་ལག་རྩལ་དང་སྲོལ་རྒྱུན་ལག་ཤེས་རྒྱུན་འཛིན་བྱས་ཏེ་ཕྱུག་འགྱུར་ལམ་བུར་སྐྱོད་པ།

版权所有:西藏民族大学图书馆 更新

地址:陕西省咸阳市文汇东路六号 邮编:712082 电话:029-33755418 邮箱:lib@xzmu.edu.cn

您是第 2930887 位访客