མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གིས“མིང་གྲགས་ཅན་གྱི་བོད་ལུགས་སྨན་པ་རྒན་པ་བརྒྱ་ཡི་འཆར་གཞི”ཞེས་པ་དངོས་སུ་ལག་བསྟར་བྱེད་འགོ་བརྩམས།

发布时间:2017-12-29 09:45:39

 ཀྲུང་གོ་བོད་ཀྱི་དྲ་བའི་འཕྲིན། བོད་ལུགས་གསོ་རིག་དང་བོད་སྨན་ནི་སྨན་བཅོས་ཐོན་ཁུངས་དང་ཕུལ་བྱུང་གི་རིག་གནས་ཐོན་ཁུངས་ཡིན་ལ། ཚན་རྩལ་ཐོན་ཁུངས་ཧ་ཅང་དཀོན་པོ་དང་ཁྱད་འཕགས་ཅན་གྱི་དཔལ་འབྱོར་ཐོན་ཁུངས་ཀྱང་ཡིན། ཟླ༡༢པའི་ཚེས༢༦ཉིན། རྒྱུན་འཛིན་གོམ་སྟབས་ཇེ་མགྱོགས་སུ་གཏོང་བ་དང་། རིག་ཚན་ཐོན་ཁུངས་ལ་སྲུང་སྐྱོབ་བྱེད་པ། བོད་ལུགས་གསོ་རིག་དང་བོད་སྨན་རིག་པའི་རིག་ཚན་རྩེ་གྲས་འཛུགས་སྐྲུན་ལ་སྐུལ་འདེད་བྱེད་པ་བཅས་དམིགས་ཡུལ་ཡིན་པའི་“མིང་གྲགས་ཅན་གྱི་བོད་ལུགས་སྨན་པ་རྒན་པ་བརྒྱ་ཡི་འཆར་གཞི”དེ་མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་ནས་དངོས་སུ་ལག་བསྟར་བྱེད་འགོ་བརྩམས།ད་ལོར། མཚོ་སྔོན་སློབ་ཆེན་བོད་ལུགས་གསོ་རིག་སློབ་གླིང་གིས་བོད་ལུགས་གསོ་རིག་དང་བོད་སྨན་གྱི་གནའ་གཞུང་དང་ཚད་ལྡན་ཡིག་ཆ་མྱུར་སྐྱོབ་ལེགས་སྒྲིག་དང་ནུས་ཐོན་སྨན་སྦྱོར་སྔོག་འདོན། སྲོལ་རྒྱུན་གྱི་བོད་སྨན་འདུལ་བའི་ལག་རྩལ་ཞིབ་འཇུག་ཁྱད་ལྡན་ལག་རྩལ་སྨན་བཅོས་མྱུར་སྐྱོབ་དང་རྒྱུན་འཛིན་ཐད་ཤུགས་བསྣན་ནས།སྔ་གཞུག་ཏུ་དམངས་ཁྲོད་དུ་ཐར་ཐོར་དང་རྩ་མེད་དུ་འགྱུར་བར་ཉེ་བའི་བོད་ལུགས་གསོ་རིག་དང་བོད་སྨན་གྱི་གནའ་གཞུང་དང་ཚད་ལྡན་ཡིག་ཆ་གྲགས་ཅན་ཉིས་བརྒྱ་ལྷག་བསྡུ་རུབ་དང་མྱུར་སྐྱོབ།སྔོག་འདོན་བྱས་ཤིང་།སྔ་གཞུག་ཏུ་རྒྱལ་ཁབ་དང་ཞིང་ཆེན་རིམ་པའི་བོད་ལུགས་གསོ་རིག་དང་བོད་སྨན་གྱི་རྨང་གཞིའི་རིགས་གཞུང་ཞིབ་འཇུག་བྱ་གཞི་སུམ་ཅུ་ལྷག་ལག་བསྟར་ཡོངས་འགྲུབ་བྱས་ནས་མིང་གྲགས་ཅན་གྱི་བོད་ལུགས་སྨན་པ་རྒན་པའི་རིགས་གཞུང་བསམ་བློ་དང་ནད་བརྟག་སྨན་བཅོས་ཀྱི་ཉམས་མྱོང་རྒྱུན་འཛིན་བྱ་བའི་ཐད་རྨང་གཞི་ལེགས་པོ་བཏིངས། རྩ་འཛུགས་ཀྱིས“མིང་གྲགས་ཅན་གྱི་བོད་ལུགས་སྨན་པ་རྒན་པའི་རིགས་གཞུང་བསམ་བློ་དང་ནད་བརྟག་སྨན་བཅོས་ཀྱི་ཉམས་མྱོང་རྒྱུན་འཛིན་བྱ་བའི”ཆེད་དོན་ཚོགས་འདུ་ཐེངས་མང་པོར་བསྡུས་པ་དང་། རྒྱུན་འཛིན་བྱ་བའི་ཇུས་གཞི་བཟོས་ལ། སྔ་གཞུག་ཏུ་བོད་ལྗོངས་དང་མཚོ་སྔོན། ཀན་སུའུ། སི་ཁྲོན། ཡུན་ནན་སོགས་ཞིང་ཆེན་དང་བོད་ཁུལ་དུ་སོང་ནས་ཆེད་མཁས་པར་བཅར་འདྲི་དང་ཕྱོགས་མང་ཚོད་བརྟག་བྱས་པར་མ་ཟད། ༢༠༡༢ལོར་ཞིང་ཆེན་དང་བོད་ཁུལ་ལྔའི་མིང་གྲགས་ཅན་གྱི་བོད་ལུགས་སྨན་པ་བརྒྱའི་མིང་མཛོད་ལེགས་སྒྲིག་བྱས། སྔ་གཞུག་ཏུ་དམ་ཆོས་དང་བསམ་གཏན། འཇམ་ཚེ། ཉི་མ་སོགས་མིང་གྲགས་ཅན་གྱི་བོད་ལུགས་སྨན་པ་རྒན་པ་བདུན་གྱི་རིགས་གཞུང་བསམ་བློ་དང་ནད་བརྟག་སྨན་བཅོས་ཉམས་མྱོང་རྒྱུན་འཛིན་བྱས་ཏེ《བོད་ཀྱི་གསོ་རིག་ཀུན་བཏུས》དང་། 《བོད་ཀྱི་གསོ་བ་རིག་པའི་གནའ་དཔེ་ཕྱོགས་བསྒྲིགས་དཔེ་ཚོགས》སོགས་རྒྱུ་ཆ་མྱུར་སྐྱོབ་དང་ལེགས་སྒྲིག པར་སྐྲུན་བྱེད་པའི་བྱ་བ་ཡོངས་འགྲུབ་བྱས་ལ།གདན་ཞུས་དགེ་རྒན་ཆེན་མོ་ཞེ་གཉིས་གདན་ཞུས་ལས་བསྐོས་བྱས།མཚོ་སྔོན་ཞིང་ཆེན་གྱི་མིང་གྲགས་ཅན་གྱི་བོད་ལུགས་སྨན་པ་རྒན་པ་འགའ་རིམ་བཞིན་ཚེ་ལས་འདས་པ་དང་བསྟུན་ནས།རིག་ཚན་ཐོན་ཁུངས་རྩ་ཆེན་དག་ཀྱང་རིམ་བཞིན་མེད་པར་གྱུར་ལ།བོད་ལུགས་གསོ་རིག་དང་བོད་སྨན་གྱི་རྒྱུན་འཛིན་བྱ་བ་དེ་སྔར་བཞིན་དཀའ་ཁག་ཆེ་བར་གྱུར།“མིང་གྲགས་ཅན་གྱི་བོད་ལུགས་སྨན་པ་རྒན་པ་བརྒྱ་ཡི་འཆར་གཞིདངོས་སུ་ལག་བསྟར་བྱས་རྗེས།མུ་མཐུད་དུ་དགེ་རྒན་གྱིས་སློབ་མ་སྐྱོང་བ་དང་གསོ་སྦྱོང་སྤེལ་བ།དཔེ་ཆ་རྩོམ་པ།སློབ་དེབ་རྩོམ་སྒྲིགབརྙན་སྒྲིག་བཟོ་སོགས་ཀྱི་བྱེད་ཐབས་སྤྱད་དེ་བོད་ལུགས་གསོ་རིག་དང་བོད་སྨན་གྱི་རིགས་གཞུང་བསམ་བློ་དང་ནད་བརྟག་སྨན་བཅོས་ཉམས་མྱོང་གི་རྒྱུན་འཛིན་ཤུགས་ཚད་རྒྱ་བསྐྱེད་ནས།བོད་ལུགས་གསོ་རིག་དང་བོད་སྨན་གྱི་རིག་ཚན་འོད་སྟོང་འབར་བར་བྱས་ཏེ་མི་རིགས་གསོ་རིག་རིག་ཚན་ཁྲོད་ཀྱི་མུ་ཏིག་ལྡོག་གཅིག་ཏུ་འགྱུར་བར་བྱེད་རྒྱུ་རེད།  །

 

上一篇:ཞབས་བྲོའི་ཟློས་གར《ཐང་ག》ཅེས་པ་དེ་རིང་ནས་ཟི་ལིང་དུ་འཁྲབ་སྟོན་བྱ་རྒྱུ་རེད།

下一篇:བོད་ལྗོངས་ཀྱི་གྲོང་ཚོར་བཅའ་སྡོད་རྒྱ་ཆེའི་ལས་བྱེད་པས་ཚོགས་ཆེན་བཅུ་དགུ་པའི་དགོངས་དོན་དུད་ཚང་ཁྲི་སྟོང་མང་པོར་བརྒྱུད་བསྒྲགས་བྱས།

版权所有:西藏民族大学图书馆 更新

地址:陕西省咸阳市文汇东路六号 邮编:712082 电话:029-33755418 邮箱:lib@xzmu.edu.cn

您是第 2598354 位访客